Spiel zum Erntedankfest 89
( in „platt“)
noch DDR - kurz vor der Wende
Mann 1: Ach du, do komme jo zwä Steder! Ö
hot wo nis ze schecke offn Sonnowed!
Mann 2: Nä, mei wonne mo än Haderholzgroind
dennehenner schlapp on donn mache me noch Dommich änü! Ach ich hon de es
Hazeleyd jo noch gor net verzahld! De hon doch de neu schossä geboud. Jetzt
setze me in dän Walberlo un de Däck felld än ufs Haid.S'Hüsle is ford, s'Gärtle
is ford.
Mann 1: Awer de Schißplocherey dän gonse
Sommer üwer is au ford.
Frau 1: Jo do hoste rächd! Bos muß sich
unsereyns groumb mach.Bommes grad so geschafft hat es Hus zerächt ze
machen,felld där Zu i.
Mann 1:(fällt ihr ins Wort)Un kreech erscht
ämo än in onserer Waldgächend.
Frau 1: Un in Garde kömmt me üwerhoupt net
ärüm.
Frau 2: Bos wär ich froh, bon ich in Weynder
ömmermo in Kähler könn gegeh on do ä poar Gleser stenne hätt! Un bon mi Salot
frösch wär un net ussöch be so ä usgezüzt Köüdder.
Frau 1: Un bos wär ich fro, bon ich me das
besle Krohm uffn Mart könn gehol!
Frau 2: Ach hör me uhf! Stäst ä Stonn o öm
so ä poar Mootschdenger von Domade.
Mann 1: Ou jo ! Mey hon hüsche
gehot - on vill!
Frau 1: On feest, on groß, de
hon geschmockd! Us dän Moodschdomade usser HO (Einkaufs"kette") homme Kechup gemocht.
Mann 1: Ho jo, dos is jo där
reynst Fimmel wonn.
Frau 1:Ho, wellst do donn ons boar suer
verdente Pfennich in'n Delikat schläpp?
Mann 1:De steder hons Gäld dazo. De sitze
för ochzig Mark inner warme Bude.
Frau 2:De richste gihts offen Dorf.Bos der
Buer in der Schörn hot, sprichde net.
Frau 1:Mey wärsch jo lewer, me hätte key
Vehzeuch me. De Kenner interessirn sech net dodörför - un mey hon de Ärwed!
Mann 2:Ö mott üch hall off de
Delekatproduktion ümstell!
Mann 1:Do hon ich scho oft dro gedocht.
Mann 2: De Köh musse nör äs richdich Futter
kriech. Do koste au Delikatbudder gemach
Mann 1:Do is mit unser schwarzbrune niss ze
mache, do mußde schonn ä lila Koh ho! Un sö mey mo, bo de di herkrichst.
Frau 2:Macht ö noch sälwer Kartuffel änus?
Frau 1:Ach nä, deh Plackerey uffm Acker
jedes Joar. Dos homme scho long uffgegahnd. Ower me hon uns scho üwerläht, ob me
net wier ä boar änus mache. Se schmäcke jo doch gonz onnerscht.
Mann 1:Dod me se sälwer ärus , sin se net so
ogehackt.
Mann 2:Un de Schemie fähld usserdäm noch.
Frau 1:Karduffel hi, Kartuffel hä! Ich hon
för min Mo gesöhd:S' onner Joar bousde mey ä Gewächshus ins Beet! Ich hons beyer
Nachbare gesehnt, bos de för hüsche Sachde dodin zehd! Do krecht me noch long
nis in'n Geschäfte ze keyfe, do ässe de schon Solohd u Gurke. In'n Sommer hon se
allszo hüsche Domade un Paprika ze ässe gehoht.
Frau 2:Mi Mo hot zwämo Paprika mitgebrocht.
Eymo än gonze Kardong voll us Berlin un nochemo, bo ä in Leypzich uffer Mäss wor.
Do homme uns dro geloht! Un ich honner noch ä poar Gleser voll igekocht.
Frau 1:Awer deswäches! Es is hüsch bomme au
ämo abes onneres uffn Düsch konn gebreng.
Mann 1:No uff Zammede, Huller un Deytscher
will ich drotzdäm net verzicht.... Mey hotte disjoar vill ze fiern. De vörichs
Woche wor ich uffer Hochzich.Do gohs net me bi alles. Un bon ich ehrlich soll
sey: Kartuffel un Rotwurscht wär me läwer gewast. Mey sin gonz hüsch verwehnt
hütchesdös.
Frau 1:Komm, me wonn widderhack. De zwä
müsse hüt noch nach Dommich (= Tambach Dietharz)komm!
| 
